Categoría: saídas

Aprendizaxe de convivencia mediante a realización dunha actividade no rural que ten actividades enroladas dentro do aprendizaxe da natureza, xogos populares, convivencia, etc.

Nesta ocasión escollimos o encoro de Beche (concello de Abegondo) para realizar una xornada de orientación e convivencia coa rapazada e familias. Despois fixemos xogos populares en familia e o posterior almorzo colectivo

As actividades foron moi divertidas e a orientación sempre da moito xogo. Xa fixeramos esta actividade noutra ocasión e de seguro repetiremos. A mágoa é que case non viñeron familias de secundaria.

Aprendemos a convivir mediante a realización duha actividade deportiva noutro concello.
A actividade realizada foi una xornada no Ecoparque de Marín e no Parque dos sentidos na mesma vila. Na hora do almorzó nos xuntamos de novo no lago de Castiñeiras no que ademáis aproveitouse para coñecer mámoas e dólmenes da contorna.
Coma actividade no ecoparque podíase escoller entre facer circuito de tirolinas ou realizar un paseo e coidado de cabalos e ximcana; ou simplemente acompañar á rapazada namentres realizaba as actividades no ecoparque.
Esta actividade foi moi especial porque foi a primeira actividade deste tipo que se realizaba dende a pandemia. Notábase que a rapazada e os adultos necesitaban deste tipo de actividades no exterior que dan lugar a facer vencellos entre familias, coñecerse, pasar un día en familia namentres se realizan actividades deportivas.

Esta actividade a levamos realizando durante varios anos pois gusta moito. Foi tal a cantidade de xente que enchimos a quenda da mañá e houbo que habilitar una quenda de tarde adicional.
Coma incidencia comentar que houbo algunha baixa de última hora por culpa da covid, Xa están contempladas no reconto final de asistentes. O ecoparque fíxonos un abono desas persoas. Repetiremos de seguro.

Ola familias, sabemos que tedes ganas de excursión, así que aquí vai a nosa proposta para o vindeiro domingo 26 de maio: unha xornada de ORIENTACIÓN e KAYAK no MANDEO!

Comezaremos á mañá ás 10.00 coa actividade de orientación:

• Os menores de 8 anos farán o chamado “corralín de orientación”, que é unha proba onde se lles facita unha tarxeta con debuxos de animais e as nenas e nenos teñen que buscar no bosque, coa axuda dun mapa adaptado, as láminas deses animais que están sinalados no mapa. É unha proba moi divertida para os cativos!

• Os maiores de 8 anos organizaranse en grupos de 4-5 persoas, combinando adultos e nenos, e tras unha pequena charla de iniciación á orientación na que aprenderemos unhas nocións básicas, faremos un percorrido de 1h e media nun circuito de balizas.
  
• Mentres os maiores rematamos a nosa actividade os pequenos realizarán distintos xogos cos monitores.

Tras o almorzo, pola tarde, percorreremos a ría de Betanzos en Kayak. Aproveitaremos o paseo para descubrir as aves da contorna. Os Kayaks son dobres, os nenos menores de 10 anos terán que ir acompañados dun adulto no paseo.

En función da cantidade de xente que vaiamos, faremos tandas de paseo en kayak. A duración de cada unha é de 1 h e media aproximadamente.

Para almorzar podedes levar a vosa propia comida ou coller un menú consistente en tortilla, lacón, bebida e tarta larpeira.

Nesta ocasión o desplazamento corre a cargo das familias, cada un irá pola súa conta ata onde realizaremos as actividades.

Inscribídevos antes do 12 de maio, a través da seguinte ligazón.

Por favor, lede atentamente as instruccións que aparecen no formulario antes de cubrilo, e se tedes calqueira dúbida consultádenos en anpacio@gmail.com 

Os prezos da actividade son os seguintes: 

Prezos	Adultos	Nenos
Socios	10	8
Non Socios	15	12
Menú (opcional)	10	5

Vémonos polo Mandeo!

Bo día familias:

Sabemos que estades desexando facer unha saída en familia, por iso o vindeiro 25 de novembro, convidamos ás familias do cole a poder disfrutar dun día inesquecible.

Pasaremos a xornada na casa do queixo en Grixalba, onde realizaremos distintas actividades.

• Roteiros ós muiños, aprendendo sobre da natureza, a través das lendas e as tradicións.
• Transofrmación do leite en queixo, aprendendo e elaborandoo e desgustandoo ó final do proceso.
• Xincana para coñecer prantas e construcións, así como os seus usos e historia.
• Tamén haberá tempo para divertirnos con xogos dirixidos.