Categoría: Obradoiro

Publicado en

Investimentos culturais 2024

Ola familias:

Durante este ano 2024, grazas á Deputación de A Coruña, e a subvención de investimentos culturais, puidemos mercar o seguinte material:

  • 4 portátiles
  • 2 tablets
  • 1 pc de sobremesa
  • 1 pantalla

O custo total deste material foi de 3.496,04 €. Este presuposto cubriuse en gran parte grazas á Deputación da Coruña cunha subvención de 1.600 €.

Con este material realizamos diversas actividades:

Programa dalle unha volta aou teu lecer:

Obradoiros Audiovisuais – Proxecto “Somos”. O colexio desenvolve este ano o proxecto global “Somos cine e TV”, e desde a ANPAcomplementamos esta iniciativa cunha serie de obradoiros audiovisuais en colaboración coa produtora “Algarabía Animación”: Obradoiro de análise de contidos audiovisuais e obradoiros de aprendizaxe audiovisual e creación de contidos.

Obradoiro de mecanografía. En resposta á demanda das familias, realizamos unha actividade de mecanografía, xa que os estudantes cada vez presentan máis traballos en formato dixital, pero carecen dunha correcta formación no uso do teclado. Esta actividade buscou mellorar a súa competencia mecanográfica, evitando malos hábitos na escritura di-
xital.

Podes ver no arquivo adxunto un resumo.

nova_investimentos_2024Descarga

Investimentos subvencionados pola Deputación da Coruña

Publicado en

CONÉCTATE CON CABEZA

Un ano máis volvemos contar con Jeanne Costa e a Federación de Planificación Familiar SEDRA para a realización do Obradoiro Conéctate con Cabeza.

Este obradoiro ofreceuse ás familias e levouse a cabo o día 16 de outubro de 17:00 a 19:00

Neste obradoiro resolvéronse dúbidas e ofrecéronse ferramentas que permiten abordar a educación sexual de forma axeitada, nesta ocasión incorporando a variable de internet e as redes sociais.

Este obradoiro non sería posible sen a colaboración da Consellería de Política Social e igualdade da Xunta de Galicia, o ministerio de igualdade do goberno de España e o Pacto de Estado contra a violencia de xénero.

Pacto de estado contra la violencia de género
Ministerio de igualdad
Xunta de Galicia. Consellería de política social e igualdade.
Publicado en

Coeducación Emocional e Comunicación non violenta

Realizamos tres sesións formativas de coeducación emocional e comunicación non violenta.

Da man de Sara Vierna, de Almas Meraki, aprendimos as claves para o acompañamento da infancia para o seu desenvolvemento integral, dende unha perspectiva de xénero e a comunicación non violenta para a rapazada de 3 a 12 anos.

Esta actividade foi subvencionada pola deputación de A Coruña.

Actividade subvencionada pola Deputación da Coruña
Publicado en

DANDOLLE UNHA VOLTA AO TEU LECER: Obradoiros de cine

Seguimos coas actividades de darlle a volta ao lecer. Desta volta organizamos unha actividade para o alumnado da ESO.

Fixemos 6 sesións de 3 horas cada unha na semana do 10 de xuño. Asistiron 152 alumnos e alumnas da ESO.

Promovendo actividades diferentes para que todo o noso entorno poda disfrutar de propostas diferentes e fomentar o bo uso das novas tecnoloxías. Este ano lanzamos ligado ao Proxecto Somos “o Cine” para todo o alumnado de Secundaria un obradoiro con Algarabia Animación.

Unha forma de empregar e darlle un bo uso ás novas tecnoloxías e as ferramentas que hoxe teñen ao seu alcance sen limitarnos as RRSS e internet, que tanto lle gustan aos nosos rapaces e rapazas.

Tamén nos serviu para reforzar os perigos e as problemáticas ligadas a un mal emprego destas.

Esta actividade realizouse coa finanzación da Deputación de A Coruña.

Actividade subvencionada pola Deputación da Coruña
Publicado en

Amar dende o bo trato

Jeanne Costa impartiu un obradoiro para falar, entre outras cousas de:

  • Sensibilizar, formar e acompañar en materia de igualdade con perspectiva de xénero.
  • Propoñer recursos e propostas didácticas de interese que facilitan a coeducación.
  • Promover a reflexión crítica e a participación activa.

Esta actividade estivo subvencionada pola deputación de A Coruña.

Actividade subvencionada pola Deputación da Coruña
Publicado en

DALLE UNHA VOLTA AO TEU LECER: Contancontos en familia

Tivemos unha actividade moi concorrida. Unha vez que abrimos o seu lanzamento xa se completou o aforo da biblioteca.

Neste caso asistiron 27 pais e 33 nenos e nenas na primeiera edición e 28 adultos e 30 nenos e nenas na segunda.

Diurante todo o ano dámoslle unha volta as actividades para que os tempos de lecer sexan tamén de calidade e por iso no 2024 propuxemos uns contacontos na biblioteca para o alumnado de infantil e as súas familias: Contacontos con Susi, onde os nenos e nenas puideron gozar de historias que potencian a imaxinación, o pensamento crítico e a oralidade.

Contacontos con Alba, fomentando o interese pola lectura e a expresión oral mediante historias que fortalecen a creatividade e a comprensión.

Esta actividade puido realizarse grazas á colaboración da Deputación de A Coruña.

Actividade subvencionada pola Deputación da Coruña
Publicado en

Campaña do 25N ao 8M

Un ano máis participamos na campaña “do 25N ao 8M”.

Esta campaña non sería posible sen a colaboración da Consellería de política social e igualdade da Xunta de Galicia, o ministerio de igualdade do goberno de España e o pacto de estado contra a violencia de xénero.

Dende a ANPA colaboramos co centro facendo diferentes actividades para todos os cursos do centro, actividades que inclúen. contacontos, obradoiros, maxia… sempre poñendo o foco na igualdade.

Podedes ver as actividades deste ano no cartafol axunto.

CALENDARIO ACTIVIDADESDescarga
Pacto de estado contra la violencia de género
Ministerio de igualdad
Xunta de galicia. Consellería de política social e igualdade
Publicado en

Obradoiro Conéctate con Cabeza

Desta volta realizamos o obradoiro “conéctate con cabeza”. Esta formación foi impartida por Jeanne Costa a través de SEDRA-Federación de Planificación Familiar.

Esta campaña non sería posible sen a colaboración da consellería de promoción do emprego e igualdade da Xunta de Galicia, o ministerio de igualdade do goberno de España e o Pacto de Estado contra a violencia de xénero.

O obxectivo do obradoiro Conéctate con Cabeza é resolver as dúbidas e ofrecer ferramentas que permitan abordar a educación sexual de forma axeitada, nesta ocasión incorporando a variable de internet e redes sociais. 

O obradoiro é gratuíto e poderá participar toda a comunidade do colexio. Será realizado os días 21 e 22 de novembro 2023.

Logo del Pacto de estado contra la violencia de género
Logo ministerio de igualdad
Logo da consellería de promoción do emprego e igualdade
Publicado en

Actividade: “Campaña do 25N ao 8M”

De novo iniciamos a campaña “do 25N ao 8M”

Esta campaña non sería posible sen a colaboración da consellería de promoción do emprego e igualdade da Xunta de Galicia, o ministerio de igualdade do goberno de España e o Pacto de Estado contra a violencia de xénero.

As actividades deste ano:

  • As mulleres facemos historia: do 8 ao 31 de marzo
  • 8M- Mulleres na historia: 8 de marzo
  • Contacontos pola igualdade, “aprendendo a querer” : 13 de marzo
  • Expectáculo de maxia: 14 de marzo
  • Contacontos pola igualdade, “familias diversas”: 14 de marzo
  • Contacontos pola igualdade, “O ratiño presumido”: 16 de marzo
  • Obradoiro temático: “Prevención dos TCA no ámbito escolar”: 16 de marzo
  • Obradoiro temático: “Prevención dos TCA no ámbito familiar e escolar”: 16 de marzo
  • Obradoiro temático: “Desmontando o imaxinario disney: xénero e violencia estética”: 17 de marzo
  • Obradoiro temático: “Amor romántico e autociodado: desmontando mitos”: 22 e 23 de marzo.
2572_1_Calendario_ColaboraLAB_8M_V_2223Descarga

Publicado en

Cerebro e pantallas

De novo contamos coa neuroeducadora María Couso, que impartiu un Obradoiro sobre “Cerebro e pantallas”.

Vivimos nun mundo onde a tecnoloxía introdúcese na vida das persoas cada vez a idades máis temperás e as pantallas acompañan as nosas crianzas dende o berce. Mais ¿sabemos realmente cales son as consecuencias cognitivas do seu uso nos primeiros anos de vida?
Moitos pais, nais e profesionais, levados pola falsa creencia de que a tecnoloxía é sinónimo de desenvolvemento, introducen aos nenos neste mundo antes, polo feito de ser “nativos dixitais” pensando que xa están preparados de maneira diferente a cómo o estaban os cerebros das xeracións anteriores.

De ahí a gran importancia de compartir a rigurosidade científica para que nos aporte luz neste asunto e que nos leve a posicionarnos de maneira crítica e reflexiva ante os acontecementos que nos rodean.

O confinamento pola pandemia da COVID agravou o uso/abuso das pantallas. O peor de toda esta situación é que as consecuencias viviranse a largo prazo e, se cabe, xa será tarde.
Neste obradoiro tomaremos conciencia de tódalas consecuencias cognitivas do uso de pantallas nunha idade temperá dende a base neurocientífica e polo tanto obxectiva e fiable.

O Obradoiro foi moi interesante e dinámico. Tivo moi boa acollida e os asistentes xa preguntan polo seguinte Obradoiro de María Couso.

María Couso explicando o obradoiro a un conxunto de xente sentada nas cadeiras
MEMORIA-DA-ACTIVIDADE-CEREBRO-E-PANTALLASDescarga