Categoría: festa

Valorizamos a língua, cultura e tradicións de Galicia a través dos festexos das letras galegas e coa actuación do grupo “Migallas” na etapa de educación infantil, que levou a cabo o espectáculo “Cantaxoga”.

Estaba previsto facer unha actuación na etapa de primaria pero por motivos organizativos do centro decidiuse non facer a actuación pois a propia celebración do colexio non deixaba tempo para facelo.
Polo protocolo covid vixente nese momento non puidemos as nais e pais acompañar á rapazada no concerto, que sería o habitual

A rapazada quedou encantada. A música e o teatro son un método de achegar a língua á cativada que sempre ten moi boa acollida.

Se pensabades que iamos deixar pasar estas datas sen propoñervos
nada… estades tolos!
Esta fin de semana celébrase o Samaín, unha festa que nos entusiasma!
Coma este ano non nos vamos poder xuntar para facer festa, que vos parece se nos enviades unha foto dos vosos terroríficos calacús, da vosa rapazada desfrazada, ou do voso xeito especial de celebración neste ano?

Que a Covid non nos quite as ganas de festa!

Con todas as fotos recibidas faremos unha terrorífica montaxe que de seguro nos vai a encantar.
Podedes enviar as vosas fotos ata o luns 2 de novembro (incluído). Obviamente, non teñen que ser fotos directas dos nenos, podemos xogar cos ángulos, puntos de vista, e poden ser tamén sobre todo o que argalledes nesta finde, máscaras , calacús… dádelle o maxín!
De todos os xeitos, xa sabedes que sempre coidamos moito as fotos que empregamos e que non as imos a difundir en ningún medio, rede social ou similar, tan só as empregaremos para facer a montaxe que enviaremos a soci@s.

A ver se conseguimos arrancar un sorriso nestes días tan complicados.

Apertas dende o alén!!

Bo día familias,

Como ven sendo tradición polo Entroido, as nais e pais máis marchosos gostamos de facer unha actuación para as nosas crianzas. Algo que nin pequenos nin maiores esquecemos. Así que vos convidamos a pasalo ben creando, ensaiando e actuando para as persoas máis queridas do cole.
Se isto vai contigo e queres colaborar, manda un mail esta semana a anpacio@anpacio.org, indicando o teu nome, número de móvil (dando consentimento para meterte nun grupo de whatsapp so empregado para o entroido), o nome das túas crianzas e o nome  da aula a que pertencen.

Veña, anímate a pasalo ben con nos!

Unha aperta,
ANPA ACIO

Ola familias,

Coma xa sabedes o vindeiro domingo 30 de xuño poderemos gozar, un ano máis, da nosa tradicional Romaría con comichona, xeados e xogos.

O lugar de celebración da Romaría será o Parque da Torre de Celas de Peiro. Podedes ver como chegar neste mapa.

Lembrade que tedes a opción de contratar uns menús moi completos (empanada, croquetas, tortilla de patacas, pan e biscoito) ou levar a comida da casa.

Ademáis contaremos coa tradicional pulpeira e o tan exitoso carriño de xeados.

As bebidas (auga e cervexa), son de balde para todos os asistentes.

Este ano seguiremos traballando coas nosas fillas o respecto ao medio ambiente, polo que NON se darán pratos nin vasos de plástico. As familias que reserven menú terán que levar pratos e vasos para retirar os seus menús e bebidas.

Animádevos a participar coas vosas fillas no CONCURSO DE SOBREMESAS. Haberá agasallo de participación para todos os participantes, e 3 premios: MELLOR SABOR, MELLOR PRESENTACIÓN e MÁIS ORIXINAL. Lembrade que as sobremesas non deberán precisar neveira.

Contaremos ademais con xogos cos que podemos compartir momentos divertidos en familia.

Podedes facer a inscripción vía web na seguinte ligazón, antes do 20 de xuño, ou na entrada do colexio o vindeiro xoves 20 de xuño no horario habitual (entrada e saída dos nenos).

Se fas a inscrición online ofrecémosche a posibilidade de pagar en metálico ou por transferencia. Se optas por facer transferencia terás que enviar o xustificante da mesma a anpacio@gmail.com antes do día 20 de xuño. Aínda que a inscripción a fagas vía web, debes recoller os cupóns para canxear os menús, cervexa e racións de polbo o xoves 20 de xuño no cole.

Por favor, se coñecedes algunha familia non socia de ANPA ACIO interesada en inscribirse vía web dicídelle que pode esta ligazón

Os prezos son:

Actividade	idade	socios	Non socios
Participación	Adultos	3€	10€
Participación	Nenos	de balde	6€
Menú (opcional)	Todos	8€	13€
Pulpo (opcional)	Todos	10€	15€

Agardamos que vos apeteza compartir co resto da familia Andaina este día de festa!!!

Recomendacións:
Levade manteis ou toallas para comer no chan, e podedes levar algo para poñer debaixo das mantas co fin de que non se mollen.
Levade mudas de roupa aos nenos e os maiores, e tamén pistolas de auga ;).

Non esquecerse de tirar o lixo.

Ola familias,
Chegou o momento que estabades a desexar. Chega a tan esperada Romería de fin de curso, e despedir por todo o alto este fantástico ano escolar de Fantasía, así que imosvos dar a data para que a poidades axendar.
A Romería celebrarase no parque da Torre de Celas o vindeiro Domingo 30 de xuño. Si, sabemos que este ano vaise celebrar máis tarde do habitual, mais despois dunha serie de problemiñas é a data que nos facilitou o Concello para esta ocasión.
Esperamos contar igualmente con todas as familias!
Aínda nos quedan uns flecos por concretar, polo que dentro duns días enviarémosvos toda a información sobre a Romería e a ligazón para poder inscribirse.

Vémonos na Romería!

Estamos a preparar a nosa actuación do entroido. Este ano imos facer unha obra propria cunha temática fantástica. Unha obra que perdurará no imaxinario xeral.

Como seguro que queres participar, se aínda non o fixeches, únete a nos, fala con calqueira de nos por calqueira das canles oficiais porque temos un sitio pra ti.

Tamén podes vir á biblioteca o venres 22 e vemos como buscarte sitio.

Ola familias,
Xa chega o outono e con él dúas das festas que máis lle gustan aos nen@s, o Samaín e o Magosto.

SAMAÍN

Dende hai uns anos, de xeito espontáneo, moitas familias do cole atópanse no Paseo Marítimo do Burgo o día de Samaín para celebralo cós veciños compartindo comida, xogos, contando contos ….
Dende ANPA ACIO propoñémosvos de novo formar parte desa xuntanza informal e quedar todos no Paseo Marítimo do Burgo e desfrutar dunha tarde en familia.
A ANPA non ten programada ninguna actividade especial, tan só poñemos voz a esa iniciativa co fin de que sexamos moitas as familias do cole que nos xuntemos para gozar desta tradición. .
O lugar de encontro será no Parque do Paseo Marítimo do Burgo o vindeiro mércores 31 de Outubro, normalmente a partires das 18.00h, que xa vai caendo a noitiña, empezan a chegar as primeiras Familias. Esperamos que vos guste a idea. E non esquezades traer as vosas cabazas e lanternas!

MAGOSTO

E se xa estamos metidos no Samaín, chega tamen o magosto, e por suposto, na ANPA ACIO queremos celebralo con castañas, chocolate e biscoito un ano mais.

Propoñémosvos unha xuntaza o venres 9 de novembro no Parque de Celas a partir das 17.00h (como chegar?). Se non chove estaremos no parque, e se chove celebraremos o Magosto na pista polideportiva que está a carón do mesmo.

Prezos	Socios	Non Socios
Adultos	5€	8€
Nenos	De balde	5€

Se vos inscribides online (neste formulario) e facedes o pago por transferencia o prezo redúcese en 1 €/persoa inscrita que pague. Por exemplo, 2 adultos socios+ 2 nenos socios, se pagan por transferencia, serían 10 €-2€ de desconto= 8 euros

Para esta actividade non recibiredes correo electrónico de confirmación. Todo o mundo que faga o pago darase xa por confirmado.

Tamén poderedes inscribirvos o martes 6 de novembro no hall do colexio e tamén no corredor superior onde están as clases de 3º a 6º EP, as 9.00 e 16.00h.

Vémonos no Samaín e no Magosto!