Categoría: concurso

Ola familias!
Unha vez máis pedimos a vosa colaboración para un proxecto conxunto co centro para a rapazada de secundaria na área de convivencia.
Necesitamos que votedes no cuestionario os vosos proxectos preferidos nas categorías pictórica, fotográfica e dixital para o concurso Naturalizarte (con temática de sensibilización medioambiental).
Os proxectos favoritos poderán compartir unha experiencia de actividade conxunta con 6 compañeiros/as (humor amarelo ou scaperoom).

As normas son as seguintes:
Tedes que cubrir cun voto cada categoría, algúns proxectos están en varias categorías, xa que mesturaron técnicas e podédelas votar en todas as que aparezan (non son excluíntes).
Só se contabilizará un formulario familia asociada.
As votacións rematarán o mércores 15 de xuño.

Así que non o dubidedes, votade e facede que a rapazada de secundaria acabe o curso celebrando!
Podedes votar na seguinte ligazón:
https://docs.google.com/forms/d/e/1FAIpQLSe7qoQLe2eeJvDjR3C97eh88MxjNvcu8W_VDDMp4SLzZfb-JA/viewform

Unha aperta e grazas por participar!

Un saúdo,

Chegamos coa segunda edición do noso concurso audiovisual.

O obxectivo e a presentación dun proxecto sobre algún tema ambiental.

Teremos 3 categorías: pictórica, fotográfica, curtametraxe.

Pode ser individual ou en grupos (máximo 6) e teremos ata o 27 de maio para entregar os traballos.

Os proxectos presentaranse á comunidade educativa e votaremos entre todos os favoritos durante unha semana. Logo presentaremos os resultados e repartiremos os premios ás gañadoras.

Esta actividade non sería posible sen a colaboración e o apoio da subvención de Actividades Culturais da Deputación de A Coruña.