II Concurso audiovisual: naturalizARTE

Chegamos coa segunda edición do noso concurso audiovisual.

O obxectivo e a presentación dun proxecto sobre algún tema ambiental.

Teremos 3 categorías: pictórica, fotográfica, curtametraxe.

Pode ser individual ou en grupos (máximo 6) e teremos ata o 27 de maio para entregar os traballos.

Os proxectos presentaranse á comunidade educativa e votaremos entre todos os favoritos durante unha semana. Logo presentaremos os resultados e repartiremos os premios ás gañadoras.

Esta actividade non sería posible sen a colaboración e o apoio da subvención de Actividades Culturais da Deputación de A Coruña.

Logo da deputación
Actividade subvencionada pola deputación de A Coruña

ECOPARQUE E PARQUE DOS SENTIDOS

Aprendemos a convivir mediante a realización duha actividade deportiva noutro concello.
A actividade realizada foi una xornada no Ecoparque de Marín e no Parque dos sentidos na mesma vila. Na hora do almorzó nos xuntamos de novo no lago de Castiñeiras no que ademáis aproveitouse para coñecer mámoas e dólmenes da contorna.
Coma actividade no ecoparque podíase escoller entre facer circuito de tirolinas ou realizar un paseo e coidado de cabalos e ximcana; ou simplemente acompañar á rapazada namentres realizaba as actividades no ecoparque.
Esta actividade foi moi especial porque foi a primeira actividade deste tipo que se realizaba dende a pandemia. Notábase que a rapazada e os adultos necesitaban deste tipo de actividades no exterior que dan lugar a facer vencellos entre familias, coñecerse, pasar un día en familia namentres se realizan actividades deportivas.

Monitor explicando a un grupo de xente

Esta actividade a levamos realizando durante varios anos pois gusta moito. Foi tal a cantidade de xente que enchimos a quenda da mañá e houbo que habilitar una quenda de tarde adicional.
Coma incidencia comentar que houbo algunha baixa de última hora por culpa da covid, Xa están contempladas no reconto final de asistentes. O ecoparque fíxonos un abono desas persoas. Repetiremos de seguro.

Obradoiro científico con Xurxo Mariño

De novo veu o neurocientífico Xurxo Mariño a ensinar á rapazada distitas curiosidades do mundo científico. É o segundo ano que contamos con el.

Segundo o nivel do alumnado impartiu obradoiros diferentes pois algún cursos xa tiveran a ocasión de velo o ano pasado tamén cunha actividade da ANPA.
Os obradoiros foron “A actividade eléctrica do sistema nervioso” e “Historias da ciencia cotiá: sobre rochas, meteoritos e minerais. Tivo mellor valoración, tanto por parte do alumnado coma do profesorado, o Obradoiro sobre o sistema nervioso pois era máis interactivo.